koky5500
المساهمات : 1
تاريخ التسجيل : 31/05/2008
 |  موضوع: مصر بعد التعديل  السبت مايو 31, 2008 2:08 am | |
| قلبي مع
كل من تسوقه الاقدار لدخول قسم شرطة في مصر المنكوسة قصدي المحروسة
قلبي مع
كل من ارغم علي ان يتلقي العلم في مدارس مصر المحروسة
وكانوا زمان يتشدقون بعبارة مازلت اتذكرها
مصر للمصريين
وهي فعلا للمصريين
ولكن مش اي مصريين 
الكلام ده بمناسبة خبرين قريتهم في جريدة الجمهورية بعددها الصادر يوم الخميس 22/4
الخبر الاول بيقول ان مأمور قسم الصف وضباطه مسكوا المحامي ومدوه علي رجليه
عارفين يعني ايه مدوه ؟؟
يعني قلعوه لامؤاخذة الجزمة ورفعوا رجليه لفوق وضربوه
مأمور قسم الصف من يكون ؟؟
ضابط شرطة
ضابط شرطة له كرامة والمحامي لاكرامة له
ولكم التعليق
الخبر التاني انقح
مش كفاية حال المدارس اللي لايسر عدو ولا حبيب ؟
مش كفاية فشل وانحراف ؟
لا مش كفاية
لازم ننشر الفضيلة في المدارس
ومين ح ينشرها ؟
نشوف
مدرسة اسمها دي لاسال
عملت حفلة نهاية العام الدراسي
الكل معزوم
الحفلة تكلفتها اتبرع بيها اولياء الامور
والتبرعات كانت 70 الف جنيه
لغاية كده عادي
لكن جابوا مين في الحفلة
تخيلوا
اللي مقرأش الخبر مش ح يصدق
واللي قرأه زيي كده زمانه لسة مذبهل ومش مستوعب
جابوا مين ؟
احمد زويل ؟؟؟
لأ دي مفاجأة
يعني مين يعني وزير التربية والتعليم ؟
برضه لأ
جابوا
دينا الرعاشة قصدي الرقاصة
اي والله
وكل اللي طلع من يسري الجمل قصدي سيادة الوزير يسري الجمل هو انذار للمدرسة
ياحلاوة ياولاد
المدرسة عاملة حفلة تحييها الراقصة دينا ومش عارفين بقي الحمار كان معاها ولا لأ
والله شئ يحزن
اللي وصلنا له ده ياجماعة شئ يحزن
هي مصر جري لها ايه ؟؟؟
هي مصر بتاعة مين ؟؟
عليه العوض ومنه العوض
لما تشوف رقاصة بترقص للمراهقين في مدرسة يبقى انت اكيد في مصر
لما الحاكم يضرب المحكوم ويطلع عين اللى خلفوه يبقى انت اكيد في مصر
لما الكلمة تكون بتدينك لما تخبي ف قلبك دينك لما الذل أشوفه ف عينك يبقى انت اكيد في مصر
لماتلاقي بلاد الدنيا فيها البني آدم حاجة تانية وانت في الطبقات الدنيا قرد مسلسل أو وطواطي يبقى انت اكيد في مصر
لا أعلم شيئا يفعله المصريون أكثر من البيع والشراء ، والدروس الخصوصية ، والجلوس أمام التليفزيون والانترنت .... و الكلام !!
تـُرى ماهو الشىء الأكثر جهوزية للإنفجار من مواطن مصرى ؟
كانت لدىَّ خطة بديلة عن تجريم حرق الفلاحين لقش الرز فى حقولهم ، أن تقوم الحكومة بالحرق ، ويقوم الأهالى بتغريمها !
كما استحدثت شركة المحمول الرسالة المجانية : ( كلمنى .. شكرا ) ؛ حبذا لو استحدثت ردا ًمجانيا ًعليها برسالة :
( كلمنى انت .. سلام )
كيف كان المصريون سيجدون " سجاجيد للصلاه وطواقى وسـِبح " لولا أنهم يذهبون للحج والعمرة !!
أخبرك بأكثر الناس ( ندالة ) ؟؟ ؛ من تسلل من عزاء والد صديقه ليشاهد مباراة الأهلى وغزل المحلة !!
لست مطمئنا ًعلى نفسى هذه الأيام ؛ فلا أعلم ما الذى أصابنى .. وجعلنى أستمع لجورج وسوف !
عندما راقبت حركة التكاتك فى شوارع مدينتنا .. فهمت اصطلاح ( الفوضى الخلاقة ) !
السجائر سبب رئيسى للوفاة .... والحكومة أيضا !
أنا لست ضد ( التوريث ) .. لكن حبذا لو حضرت ( القسمة ) .
أنا أنتمى لوطنى .. ولا أنتمى ( للوطنى ) .. ( فالوطنى ) لا يمثل وطنى .. ووطنى صار فارغا مثل بطنى .. بسبب (الوطنى ) !!
فليجرب أحدهم أن يعرض على الحكومة شراء الأهرامات .. ستوافق طبعا ً.. بدعوى تطويرها !!
هذا سرادق عزاء يسد الشارع ، مات الميت .. وتوقفت الحياة أيضا !
بيتنا فوضويا حتى يأتينا زائر .. لما نزلت ورأيت الشارع نظيفا ؛ تأكدت أن المحافظ سيزور المدينة !
تريد أن تتخلص من شخص ثقيل الدم ؟ اقرضه مبلغا زهيدا ً.. وارسل له كل يوم فى طلب سداده !
كل علاوة تتلوها زيادة فى الأسعار .. و ليس كل زيادة فى الأسعار تسبقها علاوة ..( قانون حكومنتن ) !!
هل تمتلك عشرين سيخا ًمن الحديد مما تبقى من بنايتك فى الصيف الماضى ؟ .. اذن أنا أحسدك !
فى أى شىء سنتحدث إذا إنخفضت الأسعار ؟؟؟ ............ دعوها ترتفع ....... كى نتحدث !!
سكر .. ضغط دم .. فيروس كبدى .. دم ملوث .. هروب .. بطالة .. عنوسة .. طلاق .. بانجو .. فساد سياسى .. فساد ادارى .. الخ .. الخ .. لدينا الكثير جداا مما نتميز به عن الآخرين !
فى الدولة لا يوجد رجال .. و إنما رجال أعمال .. فقط !!
اشتريت قطعة أرض لم أكن أحتاجها بــ 20 ألف منذ عامين ؛ فى العام الماضى تلقيت عرضا بـ 50 ، أول هذا العام تلقيت آخر بـ 100 ، منذ شهر تلقيت عرضا أخيرا بـ 300 . نصحنى الناصحون ألا أبيعها ، فآخر العام ستصل ال نصف مليون ، و العام القادم إلى مليونين ، والتالى إلى ثلاثة ، وال ................. !!!!!!!!!
وفي النهاية هاقول
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟[center] | |
|
